Tramp: Rusiya-Ukrayna danışıqlarının Vatikanda keçirilməsi əla olardı

ABŞ prezidenti Donald Tramp Rusiya və Ukrayna arasında sülh danışıqlarının Vatikanda keçirilməsinin “əla bir fikir” olacağını bildirib.

Operativ Media xəbər verir ki, o, bunu Ağ Evdə vəzifəsini yerinə yetirərkən həyatını itirən hüquq-mühafizə orqanları əməkdaşlarının ailələri ilə görüşdüyü tədbirdə jurnalistlərin suallarını cavablandırarkən deyib.

Vatikanın Rusiya və Ukrayna arasında sülh danışıqlarında vasitəçilik etməyə hazır olmasının ABŞ-nin bu danışıqlardan əl çəkməsi demək olub-olmaması ilə bağlı suala Tramp "Xeyr, mən hesab edirəm ki, danışıqların Vatikanda keçirilməsi əla olardı. Bəlkə də bunun bir az daha əhəmiyyəti ola bilərdi", - deyə cavab verib.