Vladanka Andreeva: Korrupsiya dayanıqlı inkişafın hər təbəqəsində hədədir

"Korrupsiya dayanıqlı inkişafın hər təbəqəsində hədədir. Biz tərəfaşlığımızı gücləndirməliyik ki, şəffaflıq artsın. Birləşmiş Millətlər Təşkilatının korrupsiya əlеyhinə Konvеnsiyasında cinayət tədbirlərinin görülməsi, vəsaitlərin qaytarılması üçün konkret bəndlər qoyulur".

Operativ Media xəbər verir ki, bunu BMT-nin Korrupsiyaya qarşı mübarizə aparan hüquq-mühafizə orqanlarının Qlobal Əməliyyatlar Şəbəkəsinin – GlobE Network VI Plenar iclasının açılışında BMT-nin Azərbaycandakı rezident Əlaqələndiricisi Vladanka Andreeva deyib.

"Azərbaycan BMT-nin Korrupsiyaya qarşı Konvensiyasında iştirak edir və onun bütün mexanizmlərində təmsil olunur. Buna görə Azərbaycan hökumətinə təşəkkür edirəm. Ümid edirəm ki, GLOBE şəbəkəsinin fəal üzvü kimi Azərbaycan bundan sonra da korrupsiyaya qarşı mübarizənin gücləndirilməsi və vəsaitlərin qaytarılmasında fəal iştirak edəcək", - o, qeyd edib.