Netanyahu bütün İsrail səfirliklərində təhlükəsizliyin gücləndirilməsini əmr edib

İsrailin Baş naziri Benyamin Netanyahu Vaşinqtonda iki israilli diplomatın öldürülməsindən sonra ölkəsinin bütün diplomatik nümayəndəliklərində təhlükəsizliyin artırılması barədə göstəriş verib.

Operativ Media xəbər verir ki, bu barədə İsrailin Baş nazirinin ofisi məlumat yayıb.

"Mən İsrailin dünya üzrə nümayəndəliklərində təhlükəsizlik tədbirlərinin gücləndirilməsi, eləcə də dövlət nümayəndələrinin təhlükəsizliyinin təmin edilməsi üçün göstərişlər vermişəm", - Baş nazir bildirib.