Qəzza zolağında yerləşən xəstəxanaların ən azı 94 faizi zədələnib və ya dağıdılıb, nəticədə şimal Fələstin anklavında insanların demək olar ki, heç bir tibbi xidmətə çıxışı yoxdur.

Operativ Media xəbər verir ki, bu məlumatlar Ümumdünya Səhiyyə Təşkilatının (ÜST) hesabatında qeyd olunub.

Qeyd olunur ki, Qəzza zolağındakı 36 xəstəxanadan yalnız 19-u ciddi dərman çatışmazlığına, tibb işçilərinin azlığına və təhlükəsizlik problemlərinə baxmayaraq fəaliyyətini davam etdirir. Onlardan yalnız 12-si müxtəlif tibbi xidmətlər göstərir, digərləri isə yalnız əsas və təcili tibbi yardım göstərə bilir. Eyni zamanda, Qəzza zolağındakı xəstəxanaların dövlət sənədlərinin də böyük hissəsi məhv edilib.