Alen Simonyan: Sülh sazişindən dərhal sonra qarşılıqlı əlaqələr başlayacaq

Sülh sazişi imzalandıqdan sonra həm ermənilər Bakıda yaşaya, həm də azərbaycanlılar Ermənistanda əvvəllər yaşadıqları kəndlərə qayıda bilərlər.

Operativ Media xəbər verir ki, bu barədə Ermənistan Milli Assambleyasının sədri Alen Simonyan brifinq zamanı bildirib.

“Saziş imzalandıqdan cəmi beş dəqiqə sonra Ermənistan və Azərbaycan vətəndaşları arasında ticarət, ünsiyyət və digər qarşılıqlı əlaqələr başlayacaq,” – deyə Simonyan vurğulayıb.