Qriqoryan: Sərhədin delimitasiyası üzrə bəzi işlər aparılır

Ermənistan Azərbaycanla sərhədlərin delimitasiyası məsələsi ilə bağlı dialoqu davam etdirir.

Operativ Media xarici KİV-ə xəbər verir ki, bunu Ermənistan baş nazirinin müavini Mher Qriqoryan deyib.

"Sizə çatdırmaq üçün yeni xəbərlərim yoxdur. Sərhədin delimitasiyası və demarkasiyası üzrə bəzi işlər aparılır. Mən prosesi dalana dirənmiş hesab etmirəm, hər iki ölkə tərəfindən təsdiqlənmiş və daxili prosedurlardan keçmiş tam hüquqi bazamız var. Bu, işin davam etdirilməsi üçün çox vacibdir", - o bildirib.

M.Qriqoryanın sözlərinə görə, komissiyaların yeni görüşünün tarixi hələ müəyyən edilməyib.