Türkiyənin xarici işlər naziri Hakan Fidan İstanbulda Rusiya və Ukrayna nümayəndə heyətləri arasında keçirilən təmaslar barədə açıqlama verib.

Operativ Media xəbər verir ki, o, tərəflərin danışıqlara peşəkar yanaşdığını bildirib.

“Əlbəttə, burada bir peşəkarlıq var. Mən bunu görürəm. Bəli, bəzən insanlar emosional ola bilər, həyəcanlana bilər, amma ümumilikdə emosiyaların dərəcəsi mən gözlədiyimdən xeyli aşağı idi. Heç bir zaman çox qızğın müzakirələr, təhqirlər, ittihamlar və bu kimi hallar müşahidə olunmadı. Artıq hər kəs bu müharibədə öz mövqeyini anlayır və onu irəli aparmağa çalışır. Bu, yaxşı danışıqlar idi”, – deyə nazir TRT kanalına verdiyi müsahibədə bildirib.

Nazir qeyd edib ki, təmaslar zamanı tərəflər arasında gərginlik yaşanmayıb və müzakirələr konstruktiv atmosferdə keçib.