Trampla İsrailin baş naziri Benyamin Netanyahu arasında telefon danışığı baş tutub.

Operativ Media xəbər verir ki, o, bu barədə mətbuat nümayəndələrinə məlumat verib.

Netanyahu ilə bir çox mövzunu müzakirə etdiyini bildirən Tramp, İran məsələsində də danışıqlar yolunu təklif etdiyini deyib və belə bildirib:

“Dedim ki, İranla danışıqlar aparmalısan. Belə etsən, daha yaxşı ola bilərsən. Bu, sənə verə biləcəyim günün ideyası ola bilər. Haydı, qalx və danışıqlar apar".

Tramp, dağıntı və ölüm olmayacaq bir razılaşma əldə etməyə çalışdıqlarını qeyd edərək, “Bunu onlara da dedim. Ümid edirəm ki, bu yol nəticə verəcək, amma verməyə də bilər – tezliklə görəcəyik,” – deyə əlavə edib.

ABŞ-nin mayın 12-də İranla görüş keçirəcəyini bildirən Tramp “O vaxta qədər gözləyəcəyik. Onlar geri çəkilmək istəmirlər. Amma geri çəkilməli olduqları məsələ uranın zənginləşdirilməsidir. Biz isə tam əksini istəyirik", – deyə bildirib.

Tramp, İranın danışıqlarda hələ ABŞ-nin istədiyi nöqtədə olmadığını vurğulayaraq əlavə edib: “Bunu deməkdən xoşum gəlmir, çünki alternativi çox pisdir və onlar hələ orada deyillər. Onlar bizə razılaşma ilə bağlı düşüncələrini bildirdilər. Mən isə dedim ki, bu, qəbuledilən deyil".