Azərbaycanın İspaniyadakı səfiri və Madrid meri Bakı-Madrid əlaqələrini dəyərləndirdilər

Azərbaycanın İspaniyadakı səfiri Ramiz Həsənov Madrid meri Xose Luis Martines-Almeyda ilə görüş keçirib.

Operativ Media diplomatik missiyanın sosial şəbəkələrdəki məlumatına istinadən xəbər verir ki, görüş zamanı tərəflər Bakı və Madrid arasında əməkdaşlıq perspektivlərini müzakirə ediblər.

Tərəflər iki şəhər arasında birbaşa əlaqələrin gücləndirilməsinə yönəlmiş praktiki və qarşılıqlı faydalı layihələrin həyata keçirilməsinə maraq ifadə ediblər.