Avstraliya və Avropa İttifaqı təhlükəsizlik sahəsində tərəfdaşlığa dair danışıqlara başlamaq niyyətindədir.

Operativ Media xəbər verir ki, bu barədə Avstraliya hökumətinin başçısı Entoni Albanese G7 sammiti çərçivəsində Kanadada Avropa Komissiyasının rəhbəri Ursula fon der Leyen və Avropa Şurasının prezidenti Antonio Kosta ilə görüşündən sonra yayımladığı bəyanatda bildirib.

“Biz gələcək təhlükəsizlik tərəfdaşlığı barədə razılığa gəldik. Bu razılaşma müdafiə sənayesi, kibertəhlükəsizlik və terrorizmlə mübarizə kimi sahələrdə əməkdaşlığımızı gücləndirmək və inkişaf etdirmək üçün əsas olacaq. Bundan əlavə, azad ticarət sazişi üzrə danışıqları da bərpa edirik”, – deyə Albanese “X” sosial şəbəkəsindəki səhifəsində qeyd edib.