Azərbaycan XİN Suriyaya başsağlığı verib

Azərbaycan Xarici İşlər Nazirliyi Suriyanın Dəməşq şəhərində kilsədə törədilmiş terror aktını pisləyib.

Operativ Media xəbər verir ki, bu barədə Azərbaycan XİN-nin "X" hesabında edilən paylaşımda deyilir.

"Biz Dəməşqdəki Mar St. Elias kilsəsinə qarşı törədilmiş dəhşətli terror aktını qəti şəkildə pisləyirik.

Qurbanların ailələrinə dərin hüznlə başsağlığı veririk.

Suriya hökuməti və xalqı ilə həmrəy olduğumuzu bildiririk", - paylaşımda qeyd olunub.