Anar Ələkbərov Beynəlxalq Avtomobil Federasiyasının Senatına üzv seçilib

Azərbaycan Respublikası Prezidentinin köməkçisi, Azərbaycan Avtomobil Federasiyasının prezidenti Anar Ələkbərov Beynəlxalq Avtomobil Federasiyasının (FIA) Senatına üzv seçilib.

Bu barədə federasiyadan Operativ Media-ya məlumat verilib.

Qeyd edək ki, Senat FIA-nın ali idarəetmə orqanıdır. FIA-nın maliyyə və kommersiya məsələlərinə, eləcə də ümumi idarəçiliyinə məsul olan Senat avtomobil idmanı sahəsində standartların yaradılması, yol hərəkəti təhlükəsizliyi, həmçinin avtomobil sənayesinin inkişafı istiqamətinə fəaliyyət göstərir.