“Sputnik Azərbaycan”ın Bakıda həbs olunan əməkdaşları Ukraynada “arzuolunmaz şəxs” elan edilib

“Rossiya Seqodnya" İnformasiya Agentliyinin Bakı filialının (“Sputnik Azərbaycan”) icraçı direktoru İqor Kartavıx və şef redaktor Yevgeniy Belousov Ukraynada “arzuolunmaz şəxs” elan ediliblər.

Operativ Media xəbər verir ki, onların adları Ukraynanın “Mirotvorets” saytının bazasına daxil edilib.

Ukrayna onları müharibə barədə təbliğat apardıqları üçün bu siyahıya daxil edib.

Qeyd edək ki, hər iki şəxs barəsində bu gün Xətai rayon Məhkməsində 4 aylıq həbs qətimkan tədbiri seçilib. 

Onlar müxtəlif cinayətlərdə ittiham olunurlar.