İran və Rusiya XİN rəhbərləri Çində danışıqlar aparıb - YENİLƏNİB

İyulun 15-də Çinin Tyanzin şəhərində ŞƏT Xarici İşlər Nazirləri Şurasının iclası çərçivəsində Rusiyanın xarici işlər naziri Sergey Lavrov ilə İranın xarici işlər naziri Abbas Araqçi arasında görüş keçirilib.

Operativ Media xəbər verir ki, bu barədə Rusiya XİN məlumat yayıb.

Bildirilib ki, tərəflər regional və beynəlxalq gündəlikdəki qarşılıqlı maraq doğuran məsələlər ətrafında fikir mübadiləsini davam etdiriblər. İranın nüvə proqramı ətrafında yaranmış böhranın sırf siyasi və diplomatik yollarla beynəlxalq hüquq normalarına uyğun həllinin vacibliyi bir daha vurğulanıb.

Nazirlər müxtəlif səviyyələrdə gələcək təmaslar barədə razılığa gəliblər.

***

10:00

İranın xarici işlər naziri Abbas Əraqçi və Rusiyanın xarici işlər naziri Sergey Lavrov Çinin Tyantszin şəhərində keçirilən Şanxay Əməkdaşlıq Təşkilatı Xarici İşlər Nazirləri Toplantısı (ŞƏT XİN) çərçivəsində danışıqlar aparacaqlar.

Operativ Media xəbər verir ki, bu barədə İranın xarici işlər naziri Abbas Əraqçi bildirib.

İran XİN rəhbərinin sözlərinə görə, iclasda "təşkilatın və onun ölkələrinin enerji və ticarət sahəsində, eləcə də digər sahələrdə inkişafı strategiyası yekunlaşdırılacaq".