Azərbaycanın Somali ilə əməkdaşlığının Türkiyə ilə birlikdə üçtərəfli formatda inkişaf etdirilməsi planlaşdırılır.
Operativ Media xəbər verir ki, bunu Azərbaycan xarici işlər naziri Ceyhun Bayramov Somali xarici işlər naziri Abdisalam Abdi Ali ilə birgə mətbuat konfransında deyib.
“Türkiyə ilə Somali arasında bir çox istiqamətlərdə çox sıx əlaqələr mövcuddur. İki ölkə strateji tərəfdaşlıq münasibətinə malikdir. Azərbaycanın da hər iki ölkə ilə sıx əlaqələri nəzərə alınaraq üçtərəfli formatda münasibətlərin inkişafı nəzərdən keçirilib”,-o əlavə edib.
