Monteneqro Baş nazirinin müavini Azərbaycan, Ermənistan və ABŞ liderlərini təbrik edib

Monteneqro ABŞ-nin yardımı ilə Vaşinqtonda Ermənistan və Azərbaycan arasında sülh sazişinin imzalanmasını alqışlayır.

Operativ Media-nın məlumatına görə, bunu Monteneqro Baş nazirinin müavini, xarici işlər və Avropa məsələləri üzrə naziri Filip İvanoviç bildirib.

“Bu, sülhə, eləcə də uzunmüddətli regional sabitliyə və firavanlığa mühüm töhfədir. Azərbaycan, Ermənistan və ABŞ liderlərini təbrik edirik”, - İvanoviç sosial media hesabında yazıb.