Azərbaycan DİN MDB-nin Daxili İşlər Nazirləri Şurasının iclasında iştirakdan imtina edib

Avqustun 12-də Sankt-Peterburqda MDB-yə üzv dövlətlərin Daxili İşlər Nazirləri Şurasının növbəti iclası keçirilib.

Operativ Media xəbər verir ki, toplantıda cinayətkarlıqla mübarizə, hüquq-mühafizə orqanlarının qarşılıqlı fəaliyyəti, qeyri-qanuni miqrasiya problemləri və onların həlli yolları, eləcə də informasiya-kommunikasiya texnologiyalarından istifadə kimi mövzular müzakirə olunub.

Azərbaycan Respublikasının daxili işlər naziri iclasda iştirak etməyib.

Məlumata görə, Azərbaycan DİN Şuranın iclasına qatılmaqdan imtina edib.

Rusiya Daxili İşlər naziri Vladimir Kolokoltsevin sədrliyi ilə keçirilən görüşdə iştirakçı ölkələrin nümayəndə heyətlərinin rəhbərləri İkinci Dünya Müharibəsinin 80 illiyinə həsr olunmuş anım tədbirlərində də iştirak ediblər.