Kreml: Rusiyanın nüvə sazişinə qayıtması Qərbin mövqeyindən asılıdır

Rusiyanın Yeni Strateji Silahların Azaldılması Müqaviləsinə (START) qayıtması Qərbin mövqeyindən asılıdır.

"Operativ Media" xəbər verir ki,bunu Kremlin sözcüsü Dmitri Peskov bildirib.

Peskov bildirib ki, Qərb Rusiyanın mövqeyinə qulaq asarsa, Moskva razılaşmaya qayıda bilər:
"Hər şey Qərbin münasibətindən asılı olacaq. Vladimir Putin bizi nəyin narahat etdiyini açıqladı. NATO lokal münaqişəni qloballaşdırmağa çalışır. Onlar bizim narahatlığımızı nəzərə almağa hazır olanda vəziyyət dəyişəcək".