Ukrayna Azərbaycandan qaz idxalını davam etdirməkdə maraqlıdır

Ukrayna Azərbaycandan qaz idxalını davam etdirməyə hazırlaşır.

Operativ Media xəbər verir ki, bu barədə Ukraynanın Energetika Nazirliyinin rəhbəri Svetlana Qrinçuk bildirib.

Onun sözlərinə görə, Trans-Balkan dəhlizi ilə Azərbaycandan Ukraynaya qaz nəqlinin sınaq layihəsi artıq başa çatıb.

"Hazırda danışıqlar aparırıq. Azərbaycan bunda maraqlıdır. Müqavilə bağlasaq, tədarükü uzadacağıq".- deyə Qrinçuk qeyd edib.