"Mən sevinirəm ki, bəzi regional tərəfdaşlarımızın bu layihə ilə bağlı narahatlıqları artıq aradan qaldırılıb".
Operativ Media xəbər verir ki, bunu Ermənistanın baş naziri Nikol Pasinyan xalqa müraciətində deyib.
O, Ermənistan üçün "Tramp Yolu" layihəsinin perspektivlərini qeyd edib:
"Tramp Yolu" layihəsi Ermənistana böyük investisiyalar, maliyyə gəlirləri, iqtisadi inkişaf və ölkənin rolunun artırılmasını vəd edir. Layihənin həyata keçirilməsi nəticəsində beynəlxalq dəmir yolları, avtomobil magistralları, boru kəmərləri və elektrik xətləri ölkəmizdən keçəcək. Bu layihə sülh layihəsinin vacib hissələrindən birinə çevrilir. Bütün bunlar sayəsində Ermənistan sülhün qovşağına çevrilir. Mən sevinirəm ki, bəzi regional tərəfdaşlarımızın bu layihə ilə bağlı narahatlıqları artıq aradan qaldırılıb, baxmayaraq ki, biz onlarla əməkdaşlıq və şəffaflıq mühitində işimizi davam etdirəcəyik", - deyə Paşinyan qeyd edib.
