Makron Putin-Zelenski görüşünün keçiriləcəyi yer kimi İsveçrəni təklif edib

Fransa prezidenti Emmanuel Makron Rusiya prezidenti Vladimir Putin və Ukrayna Prezidenti Vladimir Zelenski arasında ikitərəfli görüş üçün mümkün məkan kimi Cenevrəni göstərib.

Operativ Media xəbər verir ki, bu barədə o, TF1 telekanalına müsahibəsində bildirib .

Fransa lideri Parisdə görüş keçirmək imkanını rədd edib. O qeyd edib ki, vəziyyət “fərqli mərhələdədir” və “neytral ölkə” tapmaq lazımdır.

"Ola bilsin ki, İsveçrə, mən Cenevrənin tərəfdarıyam. Yaxud başqa ölkə olacaq. Sonuncu dəfə Türkiyədə, İstanbulda ikitərəfli məsləhətləşmələr keçirilib", - o, qeyd edib.