Suriya Ərəb Respublikasının səfirliyi 13 ildən sonra Liviyada fəaliyyətini bərpa edib.

Operativ Media xəbər verir ki, bu barədə Tripolidə yerləşən Milli Razılıq Hökuməti (UMH) məlumat yayıb.

Açıqlamaya əsasən, Suriya Xarici İşlər Nazirliyinin nümayəndə heyəti artıq Liviyanın paytaxtındakı müvəqqəti qərargahında konsulluq xidmətləri göstərməyə başlayıb.

Bundan əvvəl uzun fasilədən sonra Suriya ilə Liviya arasında birbaşa uçuşlar da bərpa olunub. “Suriya Hava Yolları”nın ilk reysi Dəməşq Beynəlxalq Hava Limanından Tripoliyə həyata keçirilib.