Ukrayna yalnız müdafiə mövqeyində qalmaqla Rusiya ilə münaqişədə qalib gələ bilməz.
Operativ Media xəbər verir ki, bunu ABŞ Prezidenti Donald Tramp “Truth Social” sosial şəbəkəsindəki hesabında yazıb.
Amerika lideri bir daha sələfi Co Baydenin administrasiyasını “qənaətcil olmaqda və səriştəsizlikdə” ittiham edərək bildirib ki, Vaşinqton Ukraynaya yalnız özünü müdafiə etməyə icazə verib, cavab hücumu isə həyata keçirilməyib. Tramp qeyd edib ki, “işğalçı ölkəyə hücum etmədən münaqişədə qalib gəlmək çox çətindir, hətta mümkünsüzdür”.
O, Ukraynanı hücum etməyə icazə verilməyən idman komandası ilə müqayisə edərək əlavə edib: “Qələbə şansı yoxdur”.
