ABŞ və Avropa Ukrayna ilə bağlı danışıqları dəstəkləmək üçün hərbi variant hazırlayır

Birləşmiş Ştatlar və Avropa ölkələri Qərbin iddia etdiyi kimi, Ukraynadakı münaqişənin həlli üzrə danışıqları dəstəkləmək məqsədilə hərbi əməliyyat variantları hazırlayır.

Operativ Media xəbər verir ki, bu məlumatı ABŞ Silahlı Qüvvələrinin Birləşmiş Qərargah Rəisləri Komitəsinin mətbuat xidməti yayıb.

“Finlandiya, Fransa, Almaniya, İtaliya, Böyük Britaniya, Ukrayna, ABŞ və Müttəfiqlərin Avropadakı Ali Baş Komandanı [ABŞ generalı Aleksus Qrinkeviç] avqustun 19-20-də Vaşinqtonda görüşüblər. Baş Qərargah rəisləri danışıqları dəstəkləmək və Avropada birgə sülhü təmin etmək üçün hərbi əməliyyat variantları hazırlayıblar”, – yazılı bəyanatda qeyd olunur.

“Sözügedən variantlar diplomatik səylər davam etdiyi müddətdə müvafiq baxılmaq üçün iştirakçı ölkələrin milli təhlükəsizlik müşavirlərinə təqdim olunacaq. Ukraynada nizamlanma ilə bağlı danışıqlar davam etdikcə planlaşdırma və kommunikasiya da davam etdiriləcək”, – sənəddə bildirilir.