Putin və Pezeşkian Cənubi Qafqazla bağlı danışıqlar aparıb

Rusiya Prezidenti Vladimir Putin və İran Prezidenti Məsud Pezeşkian arasında telefon danışığı olub.

Operativ Media xəbər verir ki, bu barədə Kreml məlumat yayıb.

Məlumata görə, Putin Pezeşkianı Ankoricdə ABŞ ilə sammitin nəticələri barədə məlumatlandırıb.

İran prezidenti Ukrayna böhranının həllinə yönəlmiş diplomatik səyləri dəstəklədiyini bildirib.

Siyasətçilər həmçinin İranın nüvə proqramı ətrafında vəziyyəti və Cənubi Qafqaz regionunda baş verənləri müzakirə ediblər.