İlham Əliyev: Trampın sülh səylərini yüksək qiymətləndirirəm və təşəkkürümü bildirirəm

Azərbaycan Prezidenti İlham Əliyev ABŞ Prezidenti Donald Trampa şəxsi imzası ilə hədiyyə etdiyi tarixi fotolara və yazdığı səmimi sözlərə görə dərin təşəkkürünü bildirib.

Operativ Media xəbər verir ki, bu barədə dövlət başçısı "X" sosial səhifəsindəki hesabında paylaşım edib.

Dövlət başçısı Trampın Azərbaycan və Ermənistan arasında münasibətlərin normallaşmasına, sülh gündəminin irəliləməsinə və ümumilikdə qlobal sülhə verdiyi dəstəyi yüksək qiymətləndirib.

İlham Əliyev bir daha bu səylərə görə ABŞ Prezidentinə minnətdarlığını ifadə edib.

Qeyd edək ki, Donald Tramp Prezident İlham Əliyevə hədiyyə edilən fotoların üzərinə "İlham, siz böyük lidersiniz" sözlərini yazıb və imza atıb.