Səfir: Azərbaycan və Böyük Britaniya arasındakı geniş tərəfdaşlıq bizim üçün fəxr mənbəyidir

"Azərbaycan və Böyük Britaniya arasındakı geniş tərəfdaşlıq bizim üçün fəxr mənbəyidir".

Operativ Media xəbər verir ki, bunu Böyük Britaniyanın Azərbaycandakı səfiri Fergus Auld öz "X" hesabında bildirib.

Səfir avqustun 25-də Böyük Britaniya və Şimali İrlandiya Birləşmiş Krallığının Avropa, Şimali Amerika və xaricdəki ərazilər üzrə dövlət naziri Stiven Doutini ilə birlikdə Azərbaycan Prezidenti İlham Əliyev ilə keçirilən görüşdən məmnunluq ifadə edib:

"Zati-aliləri Prezident İlham Əliyev ilə möhtəşəm bir görüş baş tutdu. Ticarət, investisiya, təhlükəsizlik, iqlim dəyişikliyi, enerji və təhsil də daxil olmaqla Azərbaycan və Böyük Britaniya arasındakı geniş tərəfdaşlıq bizim üçün fəxr mənbəyidir. Sülh və qarşılıqlı əlaqələrin inkişafı regionun formalaşmasına təsir göstərəcək".