Leo Dokerti Rəşad Nəbiyev ilə görüşüb

Ölkəmizdə səfərdə olan Britaniyanın Xarici İşlər Nazirliyinin Avropa və Şimali Amerika üzrə naziri Leo Dokerti Azərbaycan Respublikasının rəqəmsal inkişaf və nəqliyyat naziri Rəşad Nəbiyev ilə görüşüb.

"Operativ Media" xəbər verir ki, bu barədə Britaniya səfiri Fergus Auld tviterdə bildirib.

"Orta Dəhliz layihəsinin təşəbbüsündə Azərbaycanın xüsusi rolu var. Azərbaycan Respublikasının rəqəmsal inkişaf və nəqliyyat naziri ilə region, eləcə də Avropa üçün bu və digər vacib məsələləri müzakirə etdik", - səfir qeyd edib.