Qeyri-sabit hava nə vaxta qədər davam edəcək?

Ölkə ərazisində müşahidə edilən qeyri-sabit, yağıntılı hava şəraiti iyunun 21-i gündüzədək davam edəcək. 

"Operativ Media"nın xəbərinə görə, bunu Milli Hidrometrologiya Xidmətinin Hidrometeoroloji Proqnozlar Bürosunun direktoru Gülşad Məmmədova bildirib.

Onun sözlərinə görə, şimal-qərbdən hərəkət edən soyuq atmosfer cəbhəsinin daxil olması nəticəsində hazırda respublika ərazisində qeyri-sabit, yağıntılı hava şəraiti müşahidə olunur. 

O, qeyd edib ki, ölkə ərazisində müşahidə olunan qeyri-sabit, yağıntılı hava şəraiti bölgələrdə iyunun 21-i gündüzədək, Bakıda və Abşeron yarımadasında isə iyunun 19-u səhərədək davam edəcək.