"Qarabağ”ın potensial rəqiblərinin sayı 5-ə düşdü

Bu gün Çempionlar Liqasında 1-ci təsnifat mərhələsinin püşkatma mərasimi keçiriləcək.

"Operativ Media" xəbər verir ki, UEFA-nın Nyon şəhərindəki mənzil-qərargahında keçiriləcək tədbir Bakı vaxtı ilə saat 16:00-da başlanacaq. Püşkatmada birinci mərhələnin 15 cütü müəyyənləşəcək. 

Yarışa bu mərhələdən qatılacaq Azərbaycan çempionu “Qarabağ”ın da rəqibi bu gün bilinəcək. Q.Qurbanovun komandası "səpələnmişlər" səbətində yer alacaq. Artıq "Qarabağ"ın 5 potensial rəqibi müəyyənləşib. Bunlar "səpələnməmişlər" səbətində yer alan aşağıda adları qeyd edilən komandalardır:

“Linkoln Red İmps” (Cəbəllütariq)

“Rakov” (Polşa)

"Valmiera” (Latviya)

“Larn” (Şimali İrlandiya) 

“Svift”dir (Lüksemburq)

Xatırladaq ki, iyunun 21-də ÇL-də ikinci mərhələnin püşkatması keçiriləcək. Birinci mərhələnin oyunları isə 11/12 iyul və 18/19 iyulda olacaq.