"Almaniya İkinci Dünya Müharibəsi zamanı Polşaya dəymiş ziyana görə kompensasiyanın ödənilməsi ilə bağlı Varşava ilə dialoqa başlayana qədər BMT Təhlükəsizlik Şurasında daimi üzvlük statusu iddia edə bilməz".
"Operativ Media" xəbər verir ki, bu barədə Polşa xarici işlər nazirinin müavini Arkadiuş Mularçik "Newsweek"ə müsahibəsində bildirib.
"Almaniya Polşa ilə danışıqlara başlamaqdan imtina etdikcə, onun BMT Təhlükəsizlik Şurasının daimi üzvlüyünə namizədliyi absurddur", - o deyib.
"Polşalılar hesab edir ki, amerikalılar İkinci Dünya Müharibəsi zamanı Polşaya dəyən zərərin ödənilməsi məsələsinə rəğbətlə yanaşmalıdırlar", - Mularçik əlavə edib.
Onun sözlərinə görə, Almaniya mühüm Aİ və NATO ölkəsi kimi nümunə göstərməlidir: "Almaniya Polşa ilə danışaraq, öz öhdəliklərindən qorxmadığını, ikili standartlara əl ata bilməyəcəyini və aparıcı dövlət kimi mərkəzi yer tuta biləcəyini sübut etməlidir".
Qeyd edək ki, 2022-ci il sentyabrın 1-də Polşa hakimiyyət orqanları 1939-cu ildən 1945-ci ilə qədər faşist Almaniyasının hücumu və alman işğalı nəticəsində Polşanın verdiyi itkilərə dair respublikanın ekspertləri tərəfindən hazırlanmış üç cildlik hesabatı təqdim edib. Buna görə, Almaniyanın Polşaya ödəyəcəyi yekun məbləğ 1,3 trilyon dollardan 1,5 trilyon dollara qədər dəyişir. Həmin il oktyabrın 3-də xarici işlər naziri Zbiqnev Rau Almaniyadan təzminat ödəməsini tələb edən nota imzalayıb.
Almaniya hökuməti dəfələrlə bildirib ki, Polşa 1953-cü ildə təzminatlardan rəsmən imtina etdiyi üçün ödənişlı bağlı heç bir səbəb görmür. Varşava iddia edir ki, 1953-cü il müqaviləsi SSRİ-nin təzyiqi altında imzalanıb və yalnız artıq mövcud olmayan Almaniya Demokratik Respublikası və Polşa Xalq Respublikasına aid olub.
