Narkomanlığın qarşısının alınması üçün qanunvericiliyin təkmilləşdirilməsinə böyük ehtiyac var - Komitə sədri

Ölkədə narkomanların, o cümlədən qadın və uşaqların sayı hələ də çoxdur. Gənclər və yeniyetmələr arasında narkotiklərə aludəçilik hallarının yüksələn xətlə artması narahatlıq yaradır.

"Operativ Media" xəbər verir ki, bunu Milli Məclisin bu gün keçirilən iclasında parlamentin Ailə, qadın və uşaq məsələləri komitəsinin sədri Hicran Hüseynova deyib.

O qeyd edib ki, narkotik cəmiyyətin əsası olan ailəni dağıdır, ailədaxili münaqişələrin, məişət zəmnində zorakılığın artmasına və xəstə uşaqların doğulmasına səbəb olur.

“Bu səbəbdən qanunvericiliyin təkmilləşdirilməsinə böyük ehtiyac yaranır", - deyə komitə sədri vurğulayıb.