“Əl-Cəzirə” Bakıda keçirilən tədbiri geniş işıqlandırıb

BMT Baş Assambleyasının 15 mart tarixini İslamofobiya ilə Beynəlxalq Mübarizə Günü kimi elan etməsinin bir illiyi ilə əlaqədar Bakı Beynəlxalq Multikulturalizm Mərkəzi (BBMM), Beynəlxalq Münasibətlərin Təhlili Mərkəzi və G20 Dinlərarası Dialoq Forumunun birgə təşkilatçılığı ilə “İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar” mövzusunda beynəlxalq konfrans keçirilir.

"Operativ Media" xəbər verir ki, dünyanın nüfuzlu "Əl-Cəzirə" media şəbəkəsi Bakıda keçirilən tədbiri öz kanallarında canlı yayımlayır.

Qeyd edək ki, “aljazeera.net” xəbər portalı ingilis və ərəb dillərində fəaliyyət göstərir. Sayt gün ərzində 3-5 milyondan çox oxucu tərəfindən izlənilir.