Qazaxıstanda martın 19-da parlament seçkiləri keçiriləcək

"Operativ Media" "Sputnik Qazaxıstan"a istinadən xəbər verir ki, ölkədə martın 19-da keçiriləcək növbədənkənar parlament və yerli şura seçkilərində 5 il müddətinə 17 əyalət və 3 böyük şəhərin yerli şuralarında, eləcə də parlamentin aşağı palatasında vəzifə yerinə yetirəcək deputatlar seçiləcək. 

Qazaxıstanın "müstəqillik tarixinə 8-ci parlament və yerli məclis seçkiləri" olaraq yazılacaq seçkilərdə, keçirilən referendumla Konstitusiyaya edilən dəyişikliklər çərçivəsində qarışıq deputatlı proporsional təmsilçilik sistemi tətbiq ediləcək.

19 ildən sonra yenidən tətbiq edilən sistemlə müxtəlif siyasi partiyalarla yanaşı, müstəqil namizədlərin də parlamentə daxil olması ilə ölkə siyasətinə yeni adların gətirilməsi hədəflənib.

Ümumilikdə 98 yerdən ibarət olacaq Qazaxıstan Assambleyasında 69 deputat siyasi partiyaları, 29 deputat isə bir deputatı olan bölgələri təmsil edəcək.