Türkiyə və Finlandiya liderləri bu gün Ankarada görüşəcək

Türkiyə Prezidenti Rəcəb Tayyib Ərdoğan bu gün finlandiyalı həmkarı Sauli Niinistonu  ilə Ankarada görüşəcək.

"Operativ Media" Anadolu Agentliyinə istinadən xəbər verir ki,  iclasın əsas gündəmi Finlandiyanın NATO-ya üzvlüyü olacaq.

Məlumata görə,  Ərdoğan Finlandiya liderini Prezident Külliyesində rəsmi mərasimlə qarşılayacaq.

Liderlər rəsmi mərasimdən sonra təkbətək görüş keçirəcəklər. Görüşdə 2022-ci ilin iyununda Madriddə imzalanan üçlü memorandum çərçivəsində son vəziyyət qiymətləndiriləcək. Finlandiyanın memorandumda üzərinə götürdüyü məsələlərə əməl edib-etməməsi nəzərdən keçiriləcək.

Ərdoğan-Ninisto görüşündə Türkiyə-Finlandiya münasibətləri də müzakirə olunacaq. Bundan əlavə, regional və beynəlxalq hadisələr müzakirə olunacaq.

Dövlət başçıları görüşdən sonra birgə mətbuat konfransı keçirəcək.