Ararat Mirzoyan Ermənistanın sülh müqaviləsi ilə bağlı təkliflərindən danışıb

"Ermənistan tərəfinin təkliflərindən biri dövlət sərhədinin demarkasiyası meyarlarının dəqiqləşdirilməsidir, çünki bizim fikrimizcə, Ermənistan və Azərbaycan arasında dövlətlərarası sərhədlərin demarkasiyası üçün dəqiq razılaşdırılmış meyarlar olmadan ölkələr bu sərhədləri dəqiqləşdirə bilməyəcəklər".

"Operativ Media" xəbər verir ki, bunu Ermənistanın xarici işlər naziri Ararat Mirzoyan «AlQahera News»a müsahibəsində deyib.

"Bu da sülhün bərqərar olması əvəzinə daha bir münaqişəyə gətirib çıxaracaq. Daha sonra hər hansı potensial eskalasiyanın qarşısını almaq üçün etimadın möhkəmləndirilməsi və təhlükəsizlik mexanizmi kimi dövlət sərhədindən hərbi qüvvələrin çıxarılması və sərhəd boyu silahsızlaşdırılmış zonanın yaradılması təklifi gəlir.

Digər mühüm komponent Qarabağ ermənilərinin hüquqları və təhlükəsizliyi məsələləri ilə məşğul olacaq beynəlxalq mexanizm olmalıdır"-deyə o bildirib.