PA Qarabağın erməni ictimaiyyətinin nümayəndələrini apreldə Bakıda görüşə dəvət edib

Prezident Administrasiyası Qarabağın erməni ictimaiyyətinin nümayəndələrini apreldə Bakıda görüşə dəvət edib.

"Operativ Media" xəbər verir ki, bu barədə Prezident Administrasiyası məlumat yayıb.

"Azərbaycan Respublikası Prezidentinin Administrasiyası martın 1-də Xocalı şəhərində keçirilmiş görüşün və martın 13-də təqdim edilmiş dəvətin davamı olaraq Qarabağın erməni ictimaiyyətinin nümayəndələrini reinteqrasiya, həmçinin Qarabağda infrastruktur layihələrinin icrası məsələlərinin müzakirəsi məqsədilə aprel ayının birinci həftəsi Bakı şəhərində görüşün keçirilməsini bir daha təklif edir", - məlumatda deyilir.