Ermənistan bəzi istiqamətlərdə ordunu geri çəkir, sərhədçilər həmin mövqelərə keçir

"Dünən biz Azərbaycan tərəfinə bildirdik ki, razılaşmaya əsasən, Kornidzor körpüsündən sonrakı yol yalnız Ermənistan ərazisindən keçəcək və Ermənistanın sərhəd qoşunları bu hissədə dövlət sərhədinin mühafizəsini öz üzərinə götürəcək. Yəni, Ermənistanın bu istiqamətdə Azərbaycanla dövlət sərhədi boyunca mövqelərindən Müdafiə Nazirliyinin bölmələri çıxarılacaq, onların yerinə Sərhəd Qoşunlarının bölmələri yerləşdiriləcək".

"Operativ Media" xəbər verir ki, bunu Ermənistanın Baş naziri Nikol Paşinyan bildirib. O qeyd edib ki, eyni şeyi etməyi Azərbaycana da təklif ediblər.