Britaniyanın Azərbaycandakı səfiri Fergus Auld Azərbaycanın "Avroviziya-2023" təmsilciləri olan Tural və Turan Bağmanov qardaşları ilə görüşüb.

"Operativ Media" xəbər verir ki, bu barədə Britaniya səfiri tviterdə paylaşım edib.

"Azərbaycandan Liverpula necə getmək olar? Bunu öyrənmək üçün "Eurovision 2023"də Azərbaycanı təmsil edən əkiz qardaşlarla görüşmək üçün Qafqaz dağlarında yerləşən Zaqatala şəhərinə getdim", - paylaşımda deyilir.

Qeyd edək ki, "Avroviziya-2023" Beynəlxalq Mahnı Müsabiqəsində Azərbaycanı TuralTuranX dueti təmsil edəcək. Tural və Turan Bağmanovlar ifa etdikləri mahnının həm də müəllifləridirlər.

Xatırladaq ki, "Avroviziya-2023" mahnı müsabiqəsi bu il 9-13 may tarixlərində Böyük Britaniyanın Liverpul şəhərində keçiriləcək.

Onu da qeyd edək ki, Azərbaycan təmsilciləri  “Eurovison 2023”də birinci yarımfinalda 12-ci sırada çıxış edəcəklər.

How do you get to Liverpool from Azerbaijan?

I travelled to Zaqatala in the Caucasus mountains to meet the twin brothers representing 🇦🇿 at #Eurovision2023 to find out. pic.twitter.com/DWoBbyftD0

— FergusAuldFCDO (@FergusAuldFCDO) April 5, 2023