Braziliya prezidenti Çinə səfər edəcək

Braziliya prezidenti Luiz İnasio Lula da Silva Çinə səfər edəcək.

"Operativ Media" xəbər verir ki, Çin Xarici İşlər Nazirliyindən verilən məlumata görə, Lula da Silva aprelin 12-15-də Pekində danışıqlar aparacaq.

Səfər çərçivəsində dövlət başçısı çinli həmkarı Si Cinpin və digər rəsmi şəxslərlə görüşəcək.

Qeyd edək ki, Lula da Silva ötən ayın sonunda etməyi planlaşdırdığı Çinə ilk səfərini səhhətindəki problemlərə görə təxirə salmışdı.