"Mançester Siti" braziliyalı yarımmüdafiəçi Allanı heyətinə qatıb

Braziliya təmsilçisi "Palmeyras"ın yarımmüdafiəçisi Allan karyerasını İngiltərənin "Mançester Siti" klubunda davam etdirəcək.

​Operativ Media xəbər verir ki, bu barədə klubun mətbuat xidməti məlumat yayıb.

22 yaşlı braziliyalı futbolçu ilə 2031-ci ilin yayına qədər nəzərdə tutulan uzunmüddətli müqavilə imzalanıb, keçid məbləğinin isə bonuslar nəzərə alınmadan 40 milyon avro təşkil etdiyi bildirilib.

​"Palmeyras"ın yetirməsi olan oyunçu cari mövsüm bütün turnirlərdə 42 qarşılaşmada meydana çıxaraq 6 qol və 6 məhsuldar ötürmə ilə yadda qalıb.

"Transfermarkt" portalı tərəfindən bazar dəyəri 20 milyon avro qiymətləndirilən futbolçunu transfer edən "Mançester Siti" hazırda İngiltərə Premyer Liqasının turnir cədvəlində keçirdiyi 2 turdan sonra topladığı 6 xalla lider mövqedə qərarlaşıb.