"Barselona"nın yarımmüdafiəçisi "Deportivo"ya icarəyə verilib

​"Barselona" klubunun yarımmüdafiəçisi Mark Kasado karyerasını "Deportivo"da davam etdirəcək və 22 yaşlı ispaniyalı futbolçu bir mövsümlük icarə əsasında yeni komandaya qoşulub.

​Operativ Media xəbər verir ki, La Liqa təmsilçisinin rəsmi açıqlamasına görə, bu transferlə klub heyətini böyük potensiala və universal keyfiyyətlərə malik, həm daxili, həm də beynəlxalq səviyyədə təcrübə qazanmış istedadlı oyunçu ilə gücləndirib. Razılaşmada futbolçunun transfer hüquqlarının tam alınması imkanı da nəzərdə tutulub.

​Qeyd edək ki, yarımmüdafiəçinin Kataloniya klubu ilə qüvvədə olan müqaviləsi 2028-ci ilə qədərdir və "Transfermarkt" portalı onun bazar dəyərini 18 milyon avro qiymətləndirir. Kasado 2024-cü ilin iyulundan "Barselona"nın əsas heyətində çıxış edir və 2025/2026-cı illər mövsümündə bütün turnirlərdə 34 matçda meydana çıxaraq bir məhsuldar ötürmə ilə yadda qalıb.