Muxtar Babayev: 4-cü İqlim Həftəsinə ev sahibliyi etməkdən qürur duyuruq

"Bu həftə Bakı növbəti dəfə qlobal iqlim ictimaiyyətinin görüş yerinə çevrilir. Üç il əvvəl biz Bakı İqlim Fəaliyyəti Həftəsinə aydın bir iddia ilə start verdik: burada yaradılan iqlim dinamikası COP29-dan sonra da davam etməlidir".

Operativ Media xəbər verir ki, bunu Azərbaycan Prezidentinin iqlim məsələləri üzrə nümayəndəsi Muxtar Babayev Xarici İşlər Nazirliyinin təşkilatçılığı ilə BMT-nin İqlim Dəyişmələri üzrə Çərçivə Konvensiyasının Dördüncü İqlim Həftəsi (CW4) konfransındakı çıxışında deyib.

"Bu il Bakı, həmçinin Avropa və Mərkəzi Asiya üzrə BMT-nin İqlim Dəyişmələri üzrə Çərçivə Konvensiyasının (UNFCCC) 4-cü İqlim Həftəsinə ev sahibliyi etməkdən qürur duyur. Bu tədbir rəsmi beynəlxalq iqlim prosesini və daha geniş iqlim ictimaiyyətini tək bir şəhərdə bir araya gətirir", - o, qeyd edib.