Ceyhun Bayramov: Bakı İqlim Həftəsi Azərbaycana etimadın göstəricisidir

Bakı İqlim Həftəsinin keçirilməsi Azərbaycanın iqlim gündəliyindəki roluna və COP29 irsinə olan etimadın göstəricisidir.

Operativ Media xəbər verir ki, bunu xarici işlər naziri Ceyhun Bayramov Bakıda keçirilən Dördüncü İqlim Həftəsinin yüksəksəviyyəli açılış mərasimində jurnalistlərə açıqlamasında bildirib.

Nazir qeyd edib ki, tədbirdə 140 ölkədən 2700-dən çox iştirakçı qatılır və 60-dan artıq tədbirin keçirilməsi nəzərdə tutulur.

Ceyhun Bayramov bildirib ki, Antalyada keçiriləcək COP31-ə hazırlıq çərçivəsində Azərbaycan və Türkiyə arasında sıx əməkdaşlıq həyata keçirilir.

O, Azərbaycanın bu dəstəyi davam etdirəcəyini vurğulayıb.