“Apple” iPhone 18 Pro və 18 Pro Max modellərinin qiymətini açıqlayıb - YENİLƏNİB

Apple yeni təqdim etdiyi iPhone 18 Pro və iPhone 18 Pro Max modellərinin qiymətlərini açıqlayıb.

Operativ Media xəbər verir ki, ABŞ-da iPhone 18 Pro-nun 256 GB yaddaşa malik versiyasının başlanğıc qiyməti 1 199 dollar təşkil edəcək.

iPhone 18 Pro Max isə 256 GB yaddaşla 1 299 dollardan satışa çıxarılacaq.

Beləliklə, hər iki yeni Pro modelinin başlanğıc qiyməti əvvəlki nəsillə müqayisədə 100 dollar artırılıb.

Apple yeni smartfonlar üçün ilkin sifarişlərin sentyabrın 12-də başlayacağını, cihazların sentyabrın 18-dən satışa çıxarılacağını açıqlayıb.

iPhone 18 Pro və Pro Max yeni 2 nanometrlik A20 Pro prosessoru, dəyişən diafraqmalı 48 meqapiksellik əsas kamera, təkmilləşdirilmiş soyutma sistemi və daha uzun batareya ömrü ilə təqdim olunub.

Apple-ın məlumatına görə, iPhone 18 Pro 36 saatadək, iPhone 18 Pro Max isə 45 saatadək video izləmə imkanı verir.

21:19

“Apple” iPhone 18 Pro və iPhone 18 Pro Max modellərini təqdim edib.

Operativ Media xəbər verir ki, yeni smartfonlar qara, gümüşü, açıq mavi və bordo olmaqla dörd rəngdə satışa çıxarılacaq. 

Smartfonlar yenilənmiş kamera sistemi, daha güclü prosessor və bir sıra yeni funksiyalarla təchiz olunub.

Albalı rəngi Pro seriyasının yeni əsas rəng variantı kimi təqdim olunub.

Təqdimat zamanı Siri-nin daha əvvəl elan edilmiş yeni süni intellekt imkanları barədə də məlumat verilib. 

Bildirilib ki, Siri müxtəlif tətbiqlərdə, o cümlədən üçüncü tərəf proqramlarında ardıcıl şəkildə müxtəlif əməliyyatları yerinə yetirə biləcək. 

Bu imkanların 250-dən çox proqramı əhatə etdiyi açıqlanıb.

Şirkətin təqdimatında iPhone 18 Pro-nun məhsuldarlığının əvvəlki nəsillə müqayisədə 40 faiz, iPhone 16 Pro ilə müqayisədə isə iki dəfə artdığı bildirilib.