Dövlət başçısı: Büdcə xərclərimiz yeni rekord qıracaq və ən azı 36 milyard manata çatacaq

İndi dünya miqyasında bir çox yerlərdə iqtisadi böhranın, siyasi böhranın, hərbi böhranın hökm sürdüyü bir vaxtda Azərbaycan onsuz da rekord həddə olan öz dövlət büdcəsini daha da artırır.

"Operativ Media" xəbər verir ki, bu barədə Prezident İlham Əliyev bu gün Salyanda Azərbaycan Televiziyasına müsahibəsində bildirib.

“İndi dünya miqyasında bir çox yerlərdə iqtisadi böhranın, siyasi böhranın, hərbi böhranın hökm sürdüyü bir vaxtda Azərbaycan onsuz da rekord həddə olan öz dövlət büdcəsini daha da artırır və bizim büdcə xərclərimiz bu artımdan sonra, təbii ki, yeni rekord qıracaq və ən azı 36 milyard manata çatacaqdır”, - dövlət başçısı qeyd edib.