Hikmət Hacıyev almanlarla azərbaycanlıların birgəyaşayış tarixindən bəhs edən sənədli filmi paylaşıb

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev almanlarla azərbaycanlıların iki əsrlik birgəyaşayış tarixindən bəhs edən “Counterpoint” sənədli filmini paylaşıb.

Operativ Media xəbər verir ki, bu barədə Hikmət Hacıyev "X" sosial şəbəkə hesabında paylaşım edib.

Qeyd olunub ki, filmdə indiki Almaniyanın Baden-Vürtemberq ərazisindən Azərbaycana köçərək burada məskunlaşmış şvab ailələrinin tarixindən bəhs edir.

“Sənədli filmdə alman köçkünlərlə yerli azərbaycanlıların fərqli dinlərini, dillərini və ənənələrini qoruyaraq firavan icmalar qurması, eləcə də sovet repressiyaları, deportasiyalar və müharibənin bu ortaq tarixə təsiri əks olunur.

Film vasitəsilə almanlarla azərbaycanlıların birgəyaşayışından qalan irs, onun bu günədək qorunması və mədəni yaddaşın yaşadılması məsələləri nəsillərin nümayəndələri, tarixçilər və diplomatların fikirləri əsasında araşdırılır”, - deyə o, qeyd edib.