Erika Olson: ABŞ Azərbaycan və Ermənistan arasında ikitərəfli əsasda aparılan danışıqlara dəstək verməyə daim hazırdır

Bölgədə sülh və sabitliyin bərqərar olunması əhəmiyyətlidir.

"Operativ Media" xəbər verir ki, bu barədə ABŞ Dövlət katibinin Avropa və Avrasiya məsələləri üzrə köməkçisinin müavini Erika Olson xarici işlər naziri Ceyhun Bayramovla görüşündə bildirib.

O bildirib ki, bunun üçün sülh sazişinin imzalanması zəruridir.

Olson ABŞ tərəfinin Azərbaycan və Ermənistan arasında ikitərəfli əsasda aparılan bu danışıqlara dəstək verməyə daim hazır olduğunu diqqətə çatdırıb.