Aİ Moldovaya 40 milyon avro dəyərində yeni yardım paketini təsdiqləyib

Avropa İttifaqının Xarici Əlaqələr Şurası Moldova Respublikasının müdafiə potensialının inkişafı üçün yeni yardım paketini təsdiqləyib.

"Operativ Media" xəbər verir ki, bu barədə "Sputnik Moldova" məlumat yayıb.

Qeyd edək ki, söhbət 40 milyon avrodan gedir, onlar European Facility Instrument (EPF) vasitəsilə köçürüləcək.

“Yardım hava məkanının müşahidəsi potensialının inkişafına, nəqliyyat və mobillik imkanlarının, eləcə də ordunun maddi-texniki və kommunikasiya imkanlarının inkişafına yönəldiləcək”, - deyə ölkənin Müdafiə Nazirliyinin mətbuat xidmətindən bildirilib.