Biz Azərbaycanla bütün sahələrdə, o cümlədən iqtisadiyyat, enerji, kənd təsərrüfatı, sosial inkişaf və digər sahələrdə əməkdaşlığın inkişaf etdiyinin şahidi oluruq.

"Operativ Media" xəbər verir ki, bunu Avropa İttifaqının (Aİ) Azərbaycandakı nümayəndəliyinin rəhbəri Peter Mixalko jurnalistlərə açıqlamasında deyib.

O bildirib ki, Avropa İttifaqı Azərbaycandakı islahatları dəstəkləyir və bundan sonra da dəstəkləməyə davam edəcək.

Avropa İttifaqının Azərbaycanın əsas ticarət tərəfdaşı olduğunu vurğulayan P.Mixalko deyib ki, ötən il Aİ ilə Azərbaycan arasında ticarət dövriyyəsi 2021-ci illə müqayisədə iki dəfə artıb.